Futboll Sport

Ilir Meta, i shokuar nga vdekja e Fadil Vokrrit: Sapo i kisha firmosur shtetësinë shqiptare

Ndarja nga jeta ditën e sotme e Fadil Vokrrit ka hidhëruar pa masë jo vetëm futbolldashësit shqiptarë, këndej e andej kufirit, por edhe personalitetet e të dyja shteteve shqiptare në Ballkan. Mes tyre, i tronditur nga ky lajm i zi, ka mbetur edhe Presidenti i Shqipërisë, Ilir Meta. Ky i fundit sapo i kishte firmosur dekretin e dhënies së shtetësisë shqiptare presidentit të ndjerë të Federatës Kosovare të Futbollit. Ja mesazhi ngushëllues i Ilir Metës:

“Ndarja e parakohshme nga jeta e legjendës së futbollit të Kosovës, Fadil Vokrri, është një lajm shokues për të gjithë shqiptarët, që e kanë ndjekur e adhuruar shkëlqimin e talentit të tij si sulmues e golashënues i Prishtinës, por edhe ekipeve të njohura europiane të Partizanit të Beogradit, Fenerbahçe e madje edhe të përfaqësueses së ish-Jugosllavisë.

Fadil Vokrri me talentin dhe suksesin e tij frymëzoi shumë fëmijë shqiptarë kudo, për të ecur në shembullin e tij. Me personalitetin e tij ndërkombëtar ndihmoi integrimin e Kosovës në UEFA dhe FIFA.

Pak ditë më parë pata kënaqesinë të firmosja dhënien e shtetësisë shqiptare për Fadil Vokrrin, me kërkesë të FSHF, për kontributin e tij të veçantë në mbështetje të futbollit tonë e sidomos ekipeve kombëtare.

Duke i shprehur ngushëllimet më të sinqerta familjarëve të Fadil Vokrrit, Federatës së Futbollit të Kosovës, mbarë botës shqiptare të futbollit, jam i bindur se personaliteti i jashtëzakonshëm që ai krijoi në fushën e blertë do vazhdojë të frymëzojë gjeneratat më të reja në rrugën e suksesit!”

Related posts

E PAPRITUR/ Shkaktoi RRËMUJËS pas finales, KHABIB rrezikon ta pësojë KEQ

Isa.Autor

TRONDIT MERKATON E VERËS/ Barcelona “sakrifikon” 3 lojtarë, ja mega oferta për Neymar

Delo.autor

MURINJO ME ZEMËR TË MADHE/ Shihni momentin sesi portugezi bën homazhe te muralesi i Maradonës

F.autor

Leave a Comment