Interi vazhdon të jetë shumë aktiv në treg dhe, pas blerjes së Lautaro Martinez, ka një tjetër sulmues në listë.
Ky është Matteo Politano, agjenti i të cilit, Davide Lippi ka mbajtur një takim këtë pasdite, pasi u takua me zikaltërit në selinë e klubit Suning.
“Lippi ishte në selinë e Interit për të diskutuar për rinovimin e Tommaso Berni. Megjithatë, palët mendohet se kanë folur edhe për Politano, protagonist në sezonin e fundit në Sassuolo me 10 golat e tij në kampionat. Sulmuesi me të vërtetë i pëlqen Spallettit, i cili mund ta përdorë atë si një opsion në sezonin e ardhshëm, me Interin që do ta shikojmë në tre fronte.“-shkruajnë mediat italiane.
Ndërkohë Lippi ka konfirmuar dhe operacionin që dërgon Politano tek Interi.
“Ne jemi duke punuar në Politano për Interin. Sigurisht që ata janë të interesuar, “-tha agjenti Davide Lippi për “Sky Sport Italia”.
Politano kërkohet dhe nga Napoli, me Carlo Ancelotti që e preferon shumë aftësinë e sulmuesit të Sassuolo.