Mesfushori serb i Lazios Milinkovic-Savic pritet t’iu bashkohet shumë shpejt madrilenëve. Mediat italiane raportojnë së fundmi se presidenti i Realit të Madridit, Florentino Perez është gati të ofrojë 150 milionë euro për të marrë në ekip 23-vjeçarin për sezonin e ri.
Ofertat kanë qenë të shumta për serbin, si nga skuadra italiane ashtu nga kampionate të tjera. Si duket, Perez është gati të bëjë “çmendurinë” e radhës duke mbuluar me “ar” mesfushorin dhe “mbullur” gojën Lazios.
Vlera e Milinkovic-Savic është kjo që është falë punës së palodhur të drejtorit të klubit italian, shqiptarit, Igli Tare i cili ka ditur të menaxhojë mirë të gjitha ofertat, duke kundërshtuar në momentin e duhur dhe hapur dyert në këtë moment, kur Reali është gati të bëjë “çmendurinë”.