Harry Kane është idhull për mijëra e mijëra tifozë, por edhe kapiteni i Anglisë ka personazhet e tij të preferuar. Sulmuesi i Tottenham-it realizoi trigolësh në takimin kundër Panamasë, që “Tri Luanët e fituan me rezultatin 6-1.
Një televizion brazilian i kërkon çdo futbollisti që realizon tripletë që të përzgjedhë një këngë e më pas ajo transmetohet në studio. Sipas “Blic”, meqë anglezi realizoi ata e kontaktuan dhe i ëkrkuan që të shprehte preferencën e tij.
Dhe Kane zbuloi se është një fans i Dua Lipa-s dhe i Calvin Harris dhe kënga që dëshironte të dëgjonte ishte “One Kiss”. Për Duan, e cila ishte këngëtarja e ftuar në ceremoninë hapëse të finales së Ligës së Kampioneve ja ku zbulohet një fans i veçantë, as më shumë e as më pak se kapiteni i Anglisë dhe golashënuesi më i mirë anglez në premier League.
