Në stadiumin “Kazan Arena” do të luhet sfida e parë e raundit të 1/8-ave mes Francës dhe Argjentinës. Skuadra e Didier Deschamps e mbylli fazën në grupe e para me 7 pikë, dy fitore dhe një barazim me Danimarkën (0-0). Ndërkohë që Argjentina siguroi kualifikimin pas fitores 2-1 ndaj Nigerisë.
FIFA ka publikuar formacionet zyrtare në sajtin e saj për të dyja ekipet. Vëmë re që trajneri Sampaoli ka lënë në stol këtë herë mesfushorin Mezza, i cili ishte titullar në takimet e tjera të luajtura. Ndërkohë që në stol e nisin edhe treshja e sulmit Higuain, Aguero dhe Dybala. Ndryshe nga tekniku i “Gjelave” i cili ia ka besuar përsëri fazën ofensive tridentit Griezmann-Giroud dhe Mbappe.
Francë: Lloris, Pavard, Varane, Umtiti, Hernandez, Pogba, Kante, Matuidi, Griezmann, Giroud, Mbappe.
Argjentinë: Armani, Mercado, Tagliafico, Mascherano, Marcos Rojo, Otamendi, Banega, Di Maria, Perez, Pavon, Messi.
