Nuk ka dyshim se Cristiano Ronaldo është referenca e madhe e Portugalisë, lojtari tek i cili mbështetet gjithë rrjeti ofensiv luzitan. Numrat e vërtetojnë këtë: ai ka 15 nga 32 oditjet e kombëtares në Botërorin e Portugalisë, deri më tani. Quaresma, me katër, është i dyti në këtë rekord. Pesë herë fituesi i “Topit të Artë” ka shënuar katër nga pesë golat e iberikëve.
Në raundin e dytë, portugezi do të përballet me një kundërshtar, i cili gjithashtu ka një potencial të madh sulmues, por që, nëse ka, është shpërndarë në mes të dyve: Luis Suarez dhe Edinson Cavani. Ata janë çifti i dytë më “spiker” i Botërorit (24), pas Neymar dhe Coutinho (28).
“Luso” mund të konkurrojë kundër çiftit uruguajan. Për momentin, golat i japin përparësi yllit të Real Madridit. Me katër gola në fazën e grupeve, më shumë se Suarez (2 gola) dhe Cavani (1), Ronaldo ka shifra të frikshme para ndeshjes së 1/8 finale, Portugali-Uruguaji.
Presioni që merr nga rivalët është edhe më i madh nga ana e Cristiano Ronaldos. Referencat e bëjnë atë lojtarin e dytë me më shumë faulla të fituar në këtë Botëror (13 faulla, nga 17 të Neymar). Dy sulmuesit e Uruguajit janë vë vendin e katërt në këtë drejtim: Suarez (6) dhe Cavani (3). Ai, gjithashtu, i tejkalon dy kolegët uruguajanë, individualisht, me pjesëmarrjen në lojë. Ndërsa Ronaldo ka dhënë 74 pasime, sulmuesi i Barçës ka 56 të tilla, ndërsa ai i PSG-së 61.
Uruguaji dhe Portugalia nuk janë përballur me njëri-tjetrin që nga një ndeshje miqësore e vitit 1972. Cristiano Ronaldo nuk ka pasur mundësinë të ballafaqohet me Suárez dhe Cavani së bashku, por e ka bërë këtë ndarazi dhe ka fituar në të dyja ndeshjet. Me Suarezin, përplasjet kanë qenë më të zakonshme. Që nga ardhja e uruguajanit te Barça, Ronaldo ka luajtur kundër tij tetë ndeshje në La Liga dhe një në Superkupë.
Në këto duele, gjashtë gola janë shënuar nga uruguajani dhe pesë nga portugezi, i cili ka edhe dy gola nga dueli Ajax-Real Madrid, në vitin 2010, kur të bardhët u mundën 0-4. Nga ana tjetër, ndaj Cavanit, ylli portugez ka luajtur katër ndeshje në Ligën e Kampionëve, në të cilat Ronaldo ka shënuar tre gola, kundrejt një goli të sulmuesit të PSG-së nga Uruguaji.
