Skuadra e Liverpool-it duket se është e vendosur për të sjellë në ishull një portier në sezonin e ardhshëm, pasi Loris Karius nuk bind dhe kjo është vërtetuar në finalen e Champions League kundër Real Madrid, ku anglezët u mundën me rezultatin 3-1.
“The Reds” para pak ditësh kanë bërë një ofertë prej 30 milion eurosh për portierin e kombëtares shqiptare, Thomas Strakosha. Megjithatë 5 herë fituesit e Champions League nuk duan të dorëzohen dhe për këtë cështje kanë vendosur të rritin “dozën” për çmimin e 23 vjeçarit, duke e çuar në 40 milion euro.
“Sport Italia” raporton se drejtuesit e të kuqve nuk duan të heqin dorë nga portieri shqiptar. Deri në këto momente ende nuk ka diçka zyrtare, ndërsa në ditët në vijim do të mësojmë diçka më konkrete, sepse merkato sapo ka nisur.
Përgatiti:AlpeNews.al
