Skuadra e Luftëtarit ka bërë një sezon shumë të mirë duke u renditur në vendin e 3-të dhe duke siguruar kështu pjesëmarrjen në kupat e Europës. Me largimin e trajnerit Hasan Lika, gjirokastritët janë në ndërtimë të një plani për vitin e ardhshëm, mirpo deri më tani po përballen vetëm me largime.
Me shumë mundësi trajneri i ri slloven Millosh Kostiç, që pritet të prezantohet së shpejti duket se ka në plan për të ndërtuar një skuadër me emra të huaj.
Ditën e mërkurë klubi do të zhvillojë përgatitjet për në Europë dhe kapiteni Orjad Beqiri ende nuk ka marrë një ftesë për t’u grumbulluar me ekipin. Kjo mund të jetë një shenjë lamtumire pas 4 sezonesh të suksesshme si titullar i padiskutueshëm.
