Romelu Lukaku ka pohuar se Kupa e Botës 2018 është shansi i fundit për brezin e artë të Belgjikës që të gëzojë sukses në nivel ndërkombëtar.
“Kjo mund të jetë turneu i fundit për brezin tonë, sepse disa lojtarë do të dalin në pension kështu që ne po luajmë për ta dhe po përpiqemi të lëmë pak histori. Në turneun e fundit që luajtëm, vendosëm barin aq të lartë saqë nuk arritëm objektivat tona. Tani po përpiqemi ta shijojmë atë. Kjo është gjëja më e rëndësishme. Futbolli është për t’u argëtuar – por duke luajtur për të fituar në të njëjtën kohë. Kur të gjesh ekuilibrin e duhur ka shumë më tepër për të shijuar“.-tha sulmuesi i Manchester United.
Belgjika ka bërë një fillim mbresëlënës në fushatën e tyre në Rusi me dy fitore nga dy ndeshjet e para të Grupit G, gjë që i ka vënë në krye të renditjes. Lukaku është golashënuesi më i mirë me katër gola së bashku me portugezin Cristiano Ronaldo.
