Brazili ka fituar 2-0 miqësoren e luksit përballë Kroacisë, kjo falë dhe perlës së të rikthyerit Neymar Junior.
Ylli i “Selecao” që u rikthye në fushën e lojës, pas 3 muajsh mungesë, i hapi rrugë suksesit të kombëtares së Tite, që tregon dhe njëherë se është kandidatja potenciale për të triumfuar në Kupën e Botës, Rusi 2018.
Në takimin e zhvilluar në “Anfiel” Neymar hyri në lojë në fillim të pjesës së dytë dhe pas 24 minutave lojë, bëri atë që di të bëjë më së miri, duke dërguar më pas topin në rrjetë. Në sekondat e fundit, kishte vend dhe për golin e djalit të shtëpisë, Roberto Firmino që realizoi për rezultatin përfundimtar 2-0.
