Afrimi i Manuel Pellegrinit në stol do të shoqerohet edhe me një merkato të rëndësishme për West Ham. Klubi anglez e ka nisur me mbrojtjen duke arritur akordin me Toulouse për Issa Diop, talentin francez që prej kohësh ndiqej nga shumë ekipe të mëdha.
25 milionë euro do të derdhë West Ham në arkën e Toulouse ndërsa akordi me 21-vjeçarin nuk do të jetë problem për palët. Diop konsiderohet si një nga mbrojtësit më të talentuar francez për tu bërë në perspektivë edhe një shtyllë e kombëtares ndërsa West Ham dogji klube të mëdha në garën për të nënshkruar me lojtarin.