Skuadra e Brazilit ka vijuar përgatitjet ditën e djeshme në Soçi për duelin e të hënës për fazën e 1/8-ave kundër Meksikës. Sytë janë të gjithë nga dy mbrojtësit Danilo dhe Marselo. Ky i fundit u dëmtua në shpinë gjatë minutave të para me Serbinë dhe ditën e djeshme zbriti në fushën e lojës me shapka, pa qenë prezent në ushtrime.
Ai punoi vetëm me fizioterapistin, por mediat bëjnë me dije se do të rikuperohet dhe do të jetë gati për Meksikën. Edhe pse mungesa e tij nuk është shumë e rëndësishme, duke parë që Filipe Luis zhvilloi një ndeshje të mirë ndaj serbëve. Danilo gjithashtu mund të rikthehet më shpejt,ndërsa Duglas Kosta ka vijuar punën veçmas për të kapur ritmin e skuadrës.
