Meksika ka fituar 2-1 ndaj Koresë së Jugut dhe vetëm një matematikë e hollë e pengon të festojë kualifikimin për në raundin e ardhshëm, megjithatë garancitë mund të vijnë që në mbrëmje pas ndeshjes Gjermani-Suedi.
Pasi fitoi 1-0 në ndeshjen e parë ndaj Gjermanisë, meksikanët konfirmohen si një nga zbulimet e “Rusi 2018”, ndërsa Koreja e Jugut është matematikisht e eliminuar pasi ka pësuar dy humbje.
Meksika kaloi në avantazh në mesin e pjesës së parë, pas penalltisë së kthyer në gol nga Carlos Vela, e cila u akordua pas një prekje të topit me dorë nga mbrojta e Koresë së Jugut.
Në minutën e 66-të, futbollisti simbol i meksikanëve, Javier Hernandez mbylli llogaritë me golin e dytë pas pasimit të marrë nga Lozano. Me katër gola, ai është bërë golashënuesi më i mirë i Meksikës në historinë e Botërorëve.
Në minutën e 93-të, Koreja e Jugut realizoi golin e nderit, të parin në këtë botëror, me anë të futbollistit më të mirë, Heung-Min Son, sulmuesi i Tottenham.
Në ndeshjet e fundit të Grupit F, Meksikës i mjafton të mos humbasë ndaj Suedisë, për të pasur garancinë e vendit të parë, duke shmangur vendin e parë të Grupit E (Brazili).
https://youtu.be/4dzDr09I-OU
https://youtu.be/XuysOHo4ehY
