Lionnel Messi duket në superformë për Kupën e Botës dhe do t’i përdorë të gjitha armët për të triumfuar me Argjentinën për të cilin ka thënë: “Do të ndërroja gjithçka për Kupën e Botës”.
Pesë herë fituesi i “Topit të Artë” është shndërruar në specialist të ekzekutimeve të gjuajtjeve të lira, që duket të jetë një tjetër armë e fortë e argjentinasit, pas shumë e shumë të tjerave që ka dhe që i ka përdor ndër vite, duke shkruar edhe histori.
Lionel Messi ka shënuar gol të bukur nga gjuajtja e lirë në stërvitje të Argjentinës, duke mos i dhënë asnjë mundësi portierit, Willy Caballero, sinjale se kundërshtarët duhet të kenë kujdes nëse bëjnë faulle jashtë zonës.Argjentina gjendet në Grupin D me Islandën, Kroacinë dhe Nigerinë.
