Raportet në Spanjë insistojnë se Napoli ka arritur marrëveshjen 25 mln euro për portierin e Bayer Leverkusen Bernd Leno dhe preferon atë në vend të Rui Patricio.
Me kontratën e Pepe Reina që ka përfunduar këtë muaj dhe transferimin e tij te Milan që është konfirmuar, Partenopei kanë qenë në kërkim të një gardiani.
Javën e kaluar, dukej sikur do të ishte Rui patricio ai që do të trashëgonte dorezat e Reina, sidomos pasi prishi kontratën me Sporting pas trazirave në klub.
Gjithsesi, Sport.es pretendon se trajneri i ri i Napolit Carlo Ancelotti ka preferuar gjermanin Leno në vend të Patricio dhe klubi tashmë duket se ka arritur marrëveshjen.
Bayer Leverkusen do të fitojë 25 milionë euro për portierin, i cili nga ana e tij ka arritur marrëveshjen që javën e kaluar me klubin italian.
