Trajneri i Lacios Simone Inzagi pranoi se humbja e rëndë dje me Milanin 0-3 i ka kushtur shumë shtrenjtë ekipit bardhekaltër në renditjen e kampionatit italian.
Pas përfundimit të sfidës në “Olimpiko”, tekniku italian pranoi se ekipi i tij ishte i pafat, ndërsa shtoi se mungesat e shumta po e detyrojnë të mos bëjë rotacione.
“Kjo humbje na rëndon shumë në klasifikim, por e dinim që kishim vështirësi objective sot (dje). Nuk kishim as fat, pasi pësuam gol me devijim dhe Strakosha për pak sa nuk e preku penalltinë.
Kishim dy raste për t’u kthyer në lojë. Fatkeqësisht, nuk mund të bëj rotacion në këto momente. Katër ndeshjet e ardhshme në dy javë do të jenë shumë të vështira”, përfundoi Simone Inzagi.
Me humbjen e djeshme, Lacio qëndron 7 pikë larg Juventusit të vendit të parë, duke ndërlikuar garën për titullin kampion.
