Napoli është gati të ulë pretendimet për Maurizio Sarri në mënyrë që të përshpejtojë negociatat me Chelsea-n.
Sarri është zëvendësuar tashmë nga Carlo Ancelotti por mbetet nën kontratë për dy vitet e ardhshme.
Tani sipas Mirror, Napoli është gati të ulë çmimin për trajnerin duke shpresuar se do të joshë Chelsea-n për të bërë lëvizjen përfundimtare.
Klauzola e tij e lirimit ishte 8 milionë euro deri në fund të majit. Tani De Laurentiis kërkon 5 milionë që ta lirojë nga kontrata teknikun.
Nëse Sarri nuk do të arrijë një marrëveshje me një klub tjetër, Napoli do të detyrohet të paguajë rrogën e tij deri në fund të kontratës.
Për momentin Antonio Conte mbetet trajneri i Chelsea-t, por e ardhmja e tij duket e pasigurt teksa lojtarët kanë kërkuar të qartësohen përpara se të vendosin për të ardhmen.
