Janë ditë të nxehta për Milanin, jo vetëm sepse vera ka nisur, por sepse duhen arritur shpejt disa siguri financiare që do të bëjnë të mundur mbledhjen e 32 milionë eurove brenda orës 17:00 të ditës së premte.
Kinezi Li po kërkon një aksioner të ri dhe për këtë kishte udhëtuar gjatë ditës në Londër për të kryer disa takime. E siç raportojnë mediet italiane, duket se e ka gjetur. Zgjidhja e parë për Milanin është sponsorizuar nga banka amerikane Goldman Sachs, e cila mbështet familjen Ricketts për të hyrë në botën e futbollit italian.
Më sakt bëhet fjalë për Thomas Ricketts, administrator i deleguiar i Bankës së Investimeve të Chicago Incapital Llc dhe pronar i Chicago Cubs, klubi të bejzbollit që luan në MLB amerikane, të cilën e ka blerë në vitin 2009 për 875 milionë dollarë dhe e ka çuar në fitimin e titullit kampion në vitin 2016.
Ai është shprehur i interesuar për t’u bërë pjesë e Milanit dhe shifrat ekonomike janë tepër inkurajuese për klubin kuqezi. Vitin 2017 e ka mbyllur me një bilanc pozitiv prej 3,7 miliardë dollar dhe një fitim para taksave prej 1,4 miliardë dollarësh.
Sipas Forbes ai hyn në listën e miliarderëve pasi vlen 2,4 miliardë dollarë, ndërsa babi i tij ka qenë një prej mbështetësve më të mëdhenj të Presidentit amerikan Donald Trump
