Pas lajmit që skuadra e Partizanit do të luajë në Kupat e Europës, drejtuesit e kuq nisën menjëherë nga puna për të përforcuar ekipin. Fillimisht priteshin rinovimet me lojtarët aktualë, ndërsa më pas do të ndërhyhej vrullshëm në merkato. Por me sa duket drejtuesit e kuq janë kapur të papërgatitur, pasi dy titullarët e ekipit s’kanë pranuar rinovimin.
Bëhet fjalë për Blerim Kotobellin i cili i ka dhënë fund bashkëpunimit me të kuqtë, por gjithashtu edhe Fejzullahi që nuk dëshiron të jetë më pjesë e 15-herë kampionëve të Shqipërisë. Në këto kushte, drejtuesit janë në emergjencë pasi u duhet të gjejnë menjëherë dy lojtarët anësorë për Kupat e Europës. Prapavija e kuqe është e zbuluar në mbrojtje dhe pritet me interes të mësohen se cilët do të jenë dy pasardhësit e tyre.
