Futboll Sport

Pogba lë “gojë hapur” gazetarin e Perusë (VIDEO)

Ëndrra e Perusë në këtë Botëror ka përfunduar. Është e eliminuar matematikisht pas humbjes me Francën dhe Danimarkën. Një nga gazetarët e ESPN të Perusë ka realizuar një intervistë interesante pas ndeshjes në zonën miks me Paul Pogba.

Gazetari iu drejtua në gjuhën angleze mesfushorit të Manchester United: ‘Çfarë mendoni për Perunë?”, ndërkohë që ai me një spanjishte pothuajse perfekte u përgjigj: “Peruja është një ekip shumë i fortë, i bashkuar, pasi luajnë të gjithë së bashku. Ka lojtar me kualitet. Pati fat të keq në ndeshjen e parë, pasi është e rëndësishme për të gjithë. Ndeshjen ndaj Danimarkës duhej t’a kishte fituar. Fat i keq por me rëndësi është që ne fituam”- tha Pogba ndërsa u largua për në dhomën e zhveshjes. Të gjithë mbetën të habitur nga spanjishtja e tij, e cila ishte fantastike.

Mediat spanjolle dhe jo vetëm, e kanë trajtuar si një rast interesant, pasi 25-vjeçari është rritur në Francë, ka luajtur në Itali me Juventus dhe tashmë është pjesë e “Djajve të kuq” në Premier League. Përveç italishtes, anglishtes dhe gjuhës ‘mëmë’, frëngjishtes, Pogba flet edhe spanjisht, këtë nuk e dinim, por ja na e vërtetoi vetë ylli i “Gjelave”.

Mesfushori është pjesë e United që nga 2016-ta ku ka zhvilluar 57 ndeshje dhe ka shënuar 11 gola në total, ndërsa kërkohet nga gjigantët e Ligue 1, Paris Saint-Germain, të cilët kanë ofruar edhe Verratin për të marrë shërbimet e francezit. Por, do të jetë tepër vështirë pasi Jose Mourinho, nuk do të heqë dorë nga ai pavarësisht ‘konflikteve’ që patën sezonin e kaluar.

 

Related posts

PSG NË TENTATIVË PËR SANDRO/ Përgjigjia e JUVENTUSIT shuan shpresat për…

Sadik.Autor

E ARDHMJA E KAMPIONIT TË BOTËS NË “HIJE”/ Mbappe krisje me Trajnerin Tuchel, sulmuesi drejt kalimit tek…

Delo.autor

“Mos u ktheni në shtëpi”: Kërcënohen kolumbianët që humbën penalltitë

Isa.Autor

Leave a Comment