Cristiano Ronaldo po përmirësohet me kalimin e moshës, deklaroi shoku i tij i skuadrës Bernardo Silva. Duke nisur nga ndeshja kundër Deportivo La Coruna në fund të janarit dhe deri te ndeshja e fundit kundër Spanjës në Kupën e Botës, mes Reali dhe Portugalisë, “CR7” ka shënuar 33 gola në 23 ndeshje zyrtare. Me tre golat në Sochi, të premten në mbrëmje, Ronaldo imitoi Pele, Uwe Seeler dhe Miroslav Klose si të vetmit futbollistë që kanë shënuar në katër edicione të ndryshme të Kupës së Botës.
“Disa futbollistë në moshën e tij nisin të perëndojnë dhe luajnë etapat e fundit të karrierës dhe kjo është normale, por Ronaldo nuk është normal. Ai po përmirësohet vit pas viti. Bëhet gjithmonë edhe më i fortë. Uroj që ta ruajë këtë formë gjatë gjithë Botërorit, – tha Silva. – Ai ka qenë fantastik për Manchester United, Real Madrid dhe Portugalinë. Ka qenë në nivelin më të lartë të mundshëm për 10 vitet e fundit.”
Ndërsa trajneri i Portugalisë, Fernando Santos, shtoi: “Ronaldo mund të luajë edhe në Katar 2022. Ky është mendimi im personal. Atje do të jetë Botërori i pestë që do të shënojë gol.”
