Mbrojtësi i krahut Alessandro Florenzi do t’i duhet të vendosë midis Chelseat dhe Romës. Lojtari i kombëtares së Italisë prej ditësh po pret konfirmimin për rinovimin e kontratës me verdhekuqtë, por heshtja e tyre po lë në pritje ekipin e Chelseat që po planifikon ta sjellë në Londër.
I ardhur nga akademia romane, Florenzi është njëri prej futbollistëve me më shumë prezenca me ekipin kryeqytetas dhe për tifozët do të ishte një humbje e dhimbshme.
Sipas mediave italiane, e vetmja shpresë që e lidh 27-vjeçarin me Chelsean është nëse anglezët i ofrojnë një pagë vjetore prej 4 milion €.