Legjenda e skuadrës së Real Madridit, ish-sulmuesi spanjoll Raul Gonzalez, do të rikthehet në gjirin e ekipit ku u bë i famshëm.
Ai do të behet trajner i Real Madrid B, që synon të ngjitet nga Kategoria e Tretë në të Dytën.
Më parë ai ka drejtuar dy ekipet e moshave të Real Madridit, Cadete B dhe Juvenil B.
Këtë javë ai do të marrë edhe licencën e UEFA Pro, çka i jep mundësinë që të drejtojë ekipin e ri.
Një vit më parë ai kaloi shumë kohë në Londër, për të studiuar mënyrën e punës së trajnerit Mauricio Pochettino, i cili me skuadrën e Tottenham arriti deri në finalen e Champions League.
