Një tjetër Trezeguet në Serie A. Historia mund të përsëritet 18 vite më pas. Në vitin 2000, franko-argjentinasi David Trezeguet kaloi nga Monaco tek Juventus për 45 miliardë lireta (rreth 22 milionë euro).
Pak ditë pas “Golden Gol”-it të shënuar në finalen e Europianit të luajtur në Roterdam, që ndëshkoi Italinë e Zoff dhe i dhuroi fitoren Francës.
Tani e ka radhën Mahmoud Ibrahim Hassan, i njohur ndryshe si Trezeguet. Nuk është një francez, por një lojtar egjiptian, protagonist në Botërorin e fundit.
Mesfushori, i cili ka luajtur me Kasimpasa në sezonin e fundit, por që është në pronësi të Anderlecht, pëlqehet shumë nga Parma, që është gati të bëjë lëvizjen vendimtare.
Ai është vetëm 23 vjeç dhe konsiderohet nga pjesa më e madhe si Salah i ri.
