Klubi i Interit në bashkëpunim me kompaninë e veshjeve sportive “Nike” ka prezantuar sot uniformën e dytë të ekipit zikaltër.
Fanella e re mbulohet nga një fushë e bardhë por interesante është gjarpëri i madh i vendosur përgjatë mëngës dhe anës së majtë të uniformës. Gjarpëri në fakt është simboli mitologjik i Milanos dhe quhet “Il Biscione”, prej të cilit besohet se buron fati. Ndërsa stema e klubit do të mbulohet me ngjyrë ari, duke i kthyer simbolikës së vitit 2011.
Ideja e zgjedhjes së këtij modeli është bërë për t’i buzëqeshur më tepër fati ekipit zikaltër pas 7 vitesh rënie të lirë.
