Futboll Sport

Shkëndija e Tetovës fiksohet me lojtarët e Skënderbeut/ Dy titullarë të tjerë të shënjestër

Gjatë ndeshjes finale të Kupës së Shqipërisë mes Skënderbeut dhe Laçit, në stadiumin “Elbasan Arena” ishte i pranishëm edhe trajneri i Shkëndijës së Tetovës, Osmani, i cili kishte si mision vëzhgimin nga afër të nigerianit Xhejms.

Por tashmë mësohet se në planet e tij nuk është vetëm sulmuesi afrikan, që atë ditë u paraqit shumë mirë. “Sport Ekspres” shkruan se edhe dy titullarë të tjerë të ekipit korçar pëlqehen nga Shkëndija. Bëhet fjalë për mbrojtësin e majtë Gledi Mici dhe mesfushorin organizator Sabien Lilaj.

Janë dy lojtarë me kualitet dhe te Shkëndija duan të përfitojnë nga fakti se Skënderbeu mund të mos marrë pjesë në Kupat e Europës dhe mund të afrojë në gjirin e saj dy elementë vërtet cilësorë. Por janë llogari që bëhen gjithmonë me Skënderbeun jashtë Europës.

Pastaj, nëse oferta e Shkëndijës është serioze, sigurisht që drejtuesit e klubit korçar do ta marrin në konsideratë.

Related posts

PAS VDEKJES SË MARADONËS/ Argjentina merr një lajm të keq, shtrohet me urgjencë në spital ish-trajneri i kombëtares…

Delo.autor

Arrivabene: Ferrari zhgënjeu në Spanjë, por s’ka vend për panik

Sadik.Autor

“ALLEGRI DO TË LARGOHET”/ Mediat italiane “ulin” trajnerin e madh në stolin bardhezi

F.autor

Leave a Comment