Skënderbeu synon të afrojë edhe mesfushorin elbasanas, Ardit Hila. Ky i fundit ka diskutuar me drejtuesit e Skënderbeut, teksa i është bërë e ditur oferta, por ende nuk mund të flitet për një marrëveshje. Hila është larguar nga Teuta, ndërsa për të interes ka pasur edhe nga Partizani e Flamurtari.
“Panorama Sport” mëson se klubi korçar pret një përgjigje nga mesfushori, por gjithashtu edhe nga mbrojtësi i Kamzës, Erlis Frashëri. Këtij të fundit i është bërë oferta dhe mbetet për t’u parë nëse do të rikthehet në vendlindje pas 10 vitesh.
