Mediat portugeze bëjnë me dije se skuadra e Sportingut të Lisbonës ka refuzuar një ofertë të Arsenalit për sulmuesin Gelson Martins.
“Topçinjtë” mendohet se kanë ofruar 30 milionë euro për 23-vjeçarin, por një ofertë e tillë është konsideruar mjaft e ulët nga ana e portugezëve.
Gelson Martins ka një klauzolë lirimi prej 60 milionë euro, ndërsa skuadra nga Lisbona nuk do të lejonte largimin e tij për më pak se 45 milionë euro. Kontrata e sulmuesit me portugezët përfundon në vitin 2019.
