Tirana ka nisur të përforocjë skuadrën me sytw nga Kategoria Superiore. Pas konfrimimit të Ze Marias dhe rinovimeve të Erjon Hoxhallarit dhe Michael Ngoo ka ardhur goditja e parë në hyrje për bardheblutë. Dejan Blazhevski është afrimi më i fundit i 24-herë kampionëve të Shqipërisë.Sulmuesi maqedonas ka nënshkruar kontratën 1-vjeçare me opsion rinovimi edhe për një sezon tjetër.
32-vjeçari i cili mbulon rolin e sulmuesit prej 4 vitesh ka qënë titullar i padiskutueshëm tek Vardari i Shkupit duke u shpallur në 3 raste kampion i Maqedonisë. Në edicionin e shkuar Blazhevski gjeti rrugën e rrjetës në 8 raste , ndërsa gjtihsej me fanellën e Vardarit ka realizuar 36 gola. Sezoni më i mirë në karrierë ka ardhur më 2013-2014-ën kur ishte pjesë e Turnovos, Blazhevski e mbylli edicionin me 19 gola. Ai ka qënë edhe pjesë e përfaqësueses së Maqedonisë ku është aktivizuar në 5 takime duke shënuar një gol.
Numrat në karrierën e Blazhevskit janë një kartëvizitë optimiste, megjtihatë mbetet për t’u parë nëse maqedonasi do të përshtatet apo jo me kampionatin shqiptar.
Ai pritet të formojë dyshen e sulmit sëbashku me Michael Ngoo duke qënë se Blazhevski aktivizohet edhe si anësor apo si sulmues i dytë. Klubi bardheblu ka nisur të vendosë në këtë mënyrë piketat në kuadër të rikthimit në Superiore.