Në Irlandën e Veriut, një futbollist i ekipit lokal të Belfastit Eamon O’Connor është ndarë nga jeta në mënyrë të pabesueshme ditën e hënë. Lajmi ka hidhëruar pa masë banorët e komunitetit lokal të Moyardit në Belfastin Perëndimor. Ngjarja tragjike është raportuar nga seksioni irlandez i prestigjiozes britanike “Mirror” (www.irishmirror.ie) por nuk ka dhënë informacione mbi shkaqet e ndarjes nga jeta të 18-vjeçarit.
Ekipi që ai përfaqësonte Newhill i ka kushtuar një falenderim të gjatë djaloshit irlandezoverior. “Eamon ishte një futbollist i jashtëzakonshëm kur na u bashkua në moshën 10-vjeçare. Ishte një shok i mrekullueshëm dhe i mbështeste miqtë e tij në çdo situatë. Aftësia e tij ishte rrallë dhe ishte që merrte kontrollin e takimit. Nuk do të harrojmë kurrë Eamon bashkë me kujtimet që kemi ndarë bashkë, as fjalët tipike të tij kur i drejtohej dikujt me fjalën ‘Dawg’! Pushofsh në paqe Eamon!”
Djaloshi kishte vetëm 2 javë që kishte debutuar me Belfast Celtic U-19 dhe në ndeshjen e parë ishte shpallur lojtari më i mirë.
