Hetimi i Prokurorisë së Firences për vdekjen e kapitenit të Fiorentina-s Davide Astori po vijon. Ai vdiq papritur në Udine më 4 mars të këtij viti në një hotel ku ekipi i tij ishte i akomoduar para ndeshjes së kampionatit kundër Udinese-s.
Sipas raportit të ekzaminimit mjeko-ligjor, i urdhëruar nga Prokuroria Publike e Udine-s, më pas e transferuar në Fience së bashku me aktet e tjera të hetimit, dolën elemente që treguan se ai ka vuajtur nga një patologji kardiake.
Sipas asaj që u mësua nga raporti i mjekut, hetuesit nga Firence po punojnë për të përcaktuar nëse sëmundja ishte diagnostikuar paraprakisht dhe nëse do të kishte qenë e mundur që të ndërhyhej para se të vdiste futbollisti.
Astori shokoi të gjithë botën e sportit dhe padyshim që ishte një nga humbet më të mëdha të futbollit italian. Vdekja e tij ishte e papritur, ndërkohë që ndeshja do të luhej vetëm pak orë pasi ai u nda nga jeta.
