Mohamed Salah është padyshim një nga emrat më të përmendur këtë vit futbollistik. 25 vjeçari me performancat e tij, “arriti” të zbehte pak dyshen Cristiano Ronaldo-Messi, të cilët dominojnë prej 10 vitesh si dy lojtarët më të mirë në botë.
Egjiptiani pësoi një dëmtim në ndeshjen e fundit kundër Real Madrid në finalen e Champions League. Tashmë mjekët kanë garantuar se gjithçka do të jetë në rregull, por egjiptianët dhe të gjithë fansat e sulmuesit ndihen të frikësuar, sepse mendojnë se “ylli” i tyre nuk do të jetë në gjendje për të dhënë maksimumin, duke mos e ndihmuar Kombëtaren e tij as për të kaluar fazën e grupeve në Rusi 2018-të.
