Gianluigi Buffon, portieri i Paris Saint – Germain, në një intervistë të botuar në “La Gazzetta dello Sport” thotë se “ka vetëm një lojtar të talentuar në Itali dhe ai është Verratti. Është lojtar i pabesueshëm, ka cilësi mbi mesataren dhe zotërim topi fenomenal. Ai është një gjeni që jo të gjithë specialistët e kuptojnë”.
Ndër të tjera portieri legjendar foli dhe mbi mundësinë e rikthimit në ekipin kombëtar italian. “Kam qenë mjaft i qartë gjatë bisedës që kam bërë me Roberto Mancini-n. Unë jam 40 vjeç dhe, në këtë moshe nuk duhet të thirrem, nuk mund të jem prezent atje. Jam mirë në shtëpi me familjen time duke u përpjekur që të rifitoj atë kohë që kam humbur për të qenë me ata në periudhën kur isha në shërbim të kombëtares”.
