Leicester City është përfolur për një transferim të mesfushorit të Stoke City Xherdan Shaqiri. Lojtari i përfaqësueses zvicerane pritet të largohet nga stadiumi bet365 gjatë merkatos së verës pas rënies nga kategoria të ekipit të tij dhe Telegraph përfshin Dhelprat si klubin që ka shfaqur më tepër interes për të.
Leicester do të detyrohet të hyjë në merkato për të zëvendësuar Riyad Mahrez nëse ky i fundit transferohet te kampionët e Premier League, Manchester City.
Dhe Shaqiri thuhet të jetë pasardhësi më i denjë i algjerianit.Ish-lojtari i Inter dhe Bayern ka shënuar disa gola fantastikë dhe gjithashtu vjen nga sezoni më i mirë te Stoke, megjithëse ekipi eventualisht ra në Championship.
