Anglia arriti të fitonte në ndeshjen debutuese ndaj Tunizisë me rezultatin e ngushtë 2-1, ndërkohë që lojtari që ra në sy, ishte gardiani i Tunizisë, Hasen.
Portieri i kombëtares tuniziane, bëri një paraqitje fantastike në minutat e para, duke evituar disa gola të sigurt por fati e ndali që të zhvillonte një ndeshje të plotë, duke qenë se u dëmtua në mesin e pjesës së parë.
Ai pësoi një dëmtim në shpatull dhe u detyrua që të linte fushën e blertë, në mënyrë që të mos rrezikonte më shumë, por mesa duket, zëvendësimi nuk e ka ndihmuar aspak. Kontrollet mjekësore që ka kryer Hasen, kanë bërë që të kuptoh3et më saktë dëmtimi i portierit dhe mjekët njoftojnë se Botërori ka përfunduar për të.
