Në lidhje me denoncimin e bërë nga Kathryn Mayorga për përdhunim kundrejt Cristiano Ronaldos ka deklaruar edhe shoferi i limuzinës që ka marrë 34-vjeçaren nga hoteli, ditën kur ka ndodhur ngjarja.
Futbollisti i njohur portugez është bërë qendra e të gjitha mediave pas akuzave për përdhunim. 34-vjeçarja, Kathryn Mayorga akuzon Cristiano Ronaldon se e ka përdhunuar në një hotel në Las Vegas në vitin 2009, pas një nate të gjatë në një club.
Lajmi u publikua nga gazeta gjermane “Der Spiegel” e cila do të përballet në gjyq me Ronaldon, pasi ky i fundit e ka paditur për shpifje. Mirëpo së fundmi ka dëshmuar edhe shoferi i limuzinës që ka marrë 34-vjeçaren nga hoteli, ditën kur ka ndodhur ngjarja. Shoferi Vince Humphrey është shprehur se Kathryn dukej e lumtur dhe e ngazëllyer pasi kishte bërë seks me futbollistin.
“Gruaja që bëri atë pretendim ishte duke qeshur e lumtur dhe e ngazëllyer pas largimit nga dhoma e tij e hotelit. Ajo tha se ai ishte i sjellshëm. Ishte aq e ngazëllyer sa madje më tregoi se si do t’i quante fëmijët e saj të ardhshëm me Ronaldon. Disa ditë më vonë dëgjova se ajo i kishte thënë policisë se Ronaldo e përdhunoi. Isha i shokuar,”- është shprehur shoferi në deklaratën e tij.
Pas kësaj deklarate ndoshta hetimet do të marrin një kthesë tjetër.
