Tottenham është gati të heq dorë nga blerja e Wilfried Zaha nga Crystal Palace, nisur nga shuma e madhe që duhet për këtë transferim.
Klubi nga Londra veriore ka kohë që është interesuar për Zaha dhe ai ka të ngjarë të jetë blerja e madhe që ka menduar klubi për sezonin e parë që do të zhvillojë në stadiumin e ri me kapacitet 62 mijë vënde.
Crystal Palace ka disa klube që kërkojnë shërbimet e Zaha dhe kësisoj pretendon të paktën 80 milionë euro për shërbimet e tij.
Në këto kushte, nëse nuk do të jetë gati për një investim kaq të madh, atëherë Tottenham do të shqyrtojë disa alternativa.
Futbollisti që ka më shumë mundësi të jetë alternativa e Zaha mund të jetë Anthony Martial, për të cilin Manchester United kërkon rreth 60 milionë euro dhe futbollisti pëlqehet nga trajneri Manuel Pochettino.
