Zyrtarizimi i trajnerit Skënder Gega në krye të Partizanit është pasur nga një intensitet i madh zhvillimesh në kampin e kuq. Nesër pritet nënshkrimi zyrtar me Artur Maganin, djalin 23-vjeçar i trajnerit Gugash Maganit, ndërkohë që bëhet e ditur se është marr vendimi edhe për zëvendësin e Gegës në stol.
Burime të sigurta pranë ekipit të “kuq” bëjnë të ditur se është vendosur që Genc Mahmutaj, që deri para pak ditësh ka qenë trajneri i Partizanit B, të jetë pikërisht zëvendës trajner i ekipit të parë për sezonin e ardhshëm, duke mbyllur këtë pozicion për Klevis Dalipin që e ka mbajtur para se të merte drejtimin e plotë të skuadrës sezonin e shkuar.
Mahmutaj drejtoi skuadrën ditën e djeshme, pasi u zyrtarizua largimi i Dalipit nga stoli i ekipit.
