Armand Duka ka dhënë një intervistë për Ori Nebiaj në emisionin “Pushime on Top” në Top Channel, duke u përpjekur të tregojë “anën pozitive” të tij.
Duke folur për familjen, ai tha se djali dhe vajza tashmë e shmangin, pasi duan të rrinë me shoqërinë e tyre.
Duka tha se për këtë arsye, tashmë merret me rrjetet sociale, kryesisht Instagram, ku poston foto.
“Kam hapur “Instagram” dhe e menaxhoj vetë. Jam munduar të mos hedhë foto personale me familjen apo jetën private, pasi nuk kam sukses me postime të jetës private”, thotë ai.
Lidhur me Kombëtaren e futbollit, Duka thotë se është në një pikë kritike.
I pyetur nëse do të largohet ndonjëherë nga FSHF, pasi u bë vite që është ngulur aty dhe nuk shkulet, Duka tha se nuk ka ardhur ajo ditë.
Vetëm nëse i futet politikës, pasi sipas tij, “kurrë mos thuaj kurrë”.