A do të arrijë Real Madrid të zëvendësojë Cristiano Ronaldo-n? Ndoshta jo, duke parë se kampioni portugez, transferuar tek Juventus është e pamundur të zëvendësohet, por dikush do të duhet ta zëvendësojë.
Në vendin e tij mund të luajë Eden Hazard, ylli belg i Chelsea-it, i cili ka shprehur dëshirën për të luajtur me Real-in, por edhe James Rodriguez, kartoni i të cilit është akoma në pronësi të kampionëve të Europës në fuqi.
Juan Carlos Restrepo, babai i kolumbianit që vitin e kaluar u transferua te Bayern më formulën e huazimit, ka dhënë një intervistë për “El Larguero”, duke thënë se:
“Bayern e ka trajtuar shumë mirë, ka patur një sezon të jashtëzakonshëm me shumë vazhdimësi. Me përjashtim të një vendimi të minutave të fundit, besoj se kontrata e tij do të respektohet. James është shumë mirë, i qetë, vazhdon me procesin e tij të rritjes dhe po përgatitet për sezonin e ardhshëm”.
“Me lamtumirën e Ronaldo, te Real do të ketë disa ndryshime. Mendoj se stili i lojës së Lopetegui është shumë i mirë për lojtarë si James, që me atë do të mund të luante më shumë nga sa ka bërë me Zidane”.
