Pavarësisht se Botërori i Rusisë ka ditë që ka përfunduar, për Serxhi Robertin, mungesa në eventin më të madh të globit është kthyer në një fiksim. Në konferencë për shtyp para ndeshjes ndaj Romës në kuadër të turneut ICC, mesfushori ka thënë se ai priste të ishte pjesë e skuadrës së Kombëtares së Spanjës për Kupën e Botës.
26-vjeçari ishte pjesë e skuadrës së parë të Barcelonës sezonin e kaluar. Ai bëri 29 paraqitje, gjatë të cilëve ai i bëri 91% të pasimeve të sakta. Për shkak të këtyre performancave ai kishte pritur të ishte pjesë e skuadrës për Kupën e Botës, por tekniku Lopetegui nuk e preferoi.
“Unë sinqerisht mendova se do të shkoja në Botëror, por trajneri vendosi të merrte lojtarë të tjerë. Nuk kisha zgjedhje tjetër përpos ta shikoja turneun në televizion. Tani që është ndërruar trajneri, shpresoj të luaj mirë për Barcelonën, në mënyrë që të zgjidhem për ndeshjet e ardhshme”, u shpreh 26-vjeçari.
