Futboll Premier League Sport

BINDI NË BOTËROR/ Man United përgatit 40 milionë euro për mbrojtësin e BARÇËS

Shtypi anglez, veçanërisht “The Sun”, siguron se Manchester United po përgatit 40 milionë euro për të nënshkruar me Yerry Mina. Qendërmbrojtësi i Barcelonës do të jetë një nga kërkesat e Jose Mourinhos për të forcuar zonën mbrojtëse të të tijve. Në fakt, trajneri portugez ka qenë ankuar ashpër këto ditë, sepse klubi nuk ka qenë në gjendje të përfshijë ndonjë nga objektivat e tij.

Kupa e Botës, që u zhvillua në Rusi, nxori në pah formën e shkëlqyer të kolumbianit, aq sa shumë ekipe kanë trokitur në derën e Barcelonës për t’u njohur me çmimin e tij. Jair Mina, xhaxhai dhe përfaqësuesi i lojtarit, ka pranuar publikisht se Everton e kishte kontaktuar atë për të treguar interesin karshi qendërmbrojtësit.

Ai ishte, gjithashtu, i dëgjueshëm kur tha: “Yerry do të luajë në një klub të madh në Europë”. E ardhmja e Yerry Mina duhet të bëhet e qartë së shpejti, teksa te Barcelona duket e kompletuar në prapavijë, repart në të cilin figurojnë gjashtë qendërmbrojtës (Pique, Umtiti, LENGLET, Vermaelen, Marlon dhe Yerry Mina).

Valverde thjesht nuk e ka bërë të qartë se çfarë preferencash ka për formacionin, ndaj mbrojtësi kolumbian tashmë e ka thënë se dëshiron të luajë. Ai do të donte për ta bërë këtë në Barcelonë, por në qoftë se nuk mund të luajë te katalanasit, është gati për të shkuar në një tjetër ekip. Ndërkohë, në Angli thuhet se Manchester United është i gatshëm të vërë 40 milionë euro në tavolinë për këtë futbollist.

Related posts

Dzeko: Ëndrra ime, është të luaj për Milanin

Sadik.Autor

“PLESHTI” KËRKON LARGMIN NGA “CAMP NOU”/ “Tuttosport” rendit arsyet: Juventus, asnjë shans për Messin

Delo.autor

SFIDA CHAMPIONS NDAJ DINAMO TIBILISI/ Elegancë dhe stil, shikoni si u prezantua Tirana në Gjeorgji (FOTO)

Delo.autor

Leave a Comment