Penalizimi i Milan nga ana e UEFA-s ka krijuar jo pak kaos në kampin kuqezi. Me shumë futbollistë që në mungesë të pjesëmarrjes në Kupat e Europës, kërkojnë largimin, për të dendur merkaton në dalje, njëlloj sikurse edhe vështirësimin e blerjeve të reja, që nuk tundohen të afrohen te një klub që nuk aktivizohet në Europë. Pikërisht e tillë është situata e ish-juventinit, që sezonin e kaluar mbajti shiritin e kapitenit te kuqezinjtë, Leonardo Bonucci.
Është pikërisht lideri i mbrojtjes së Milan, Bonucci ai që është në krye të listës së kandidatëve për tu larguar nga kuqezinjtë, shumë i kërkuar nga ekipet elitare. Kështu, pas PSG, që dukej shumë pranë futbollistit të Milan, sot, mediat spanjolle kanë informuar për sulmin e Kampionëve të Europës në fuqi, Real Madrid, në adresë të kuqezinjve për Bonuçin. Sipas “Don Balon”, presidenti i Los Blancos, Florentino Perez është i vendosur të transferojë Bonuccin te Real Madrid.
