Portierët e klubeve europiane po dominojnë merkaton verore. Lajmi se braziliani Alisson Becker do të firmosë për Liverpoolin ka pezmatuar londinezët e Chelseat. “Blutë” kanë ndryshuar shënjesër duke kërkuar portierin e spikatur të Milanit Gianlugi Donnaruma.
Kërcënimi që po i bën Real Madridi portierit të Chelseat Thibaut Courtois e ka vënë në lëvizje skuadrën britanike që synon të sjellë në ishull “pasardhësin” Gianluigi Buffonit.
Megjithatë anglezët do ta kenë të vështirë të rrëmbejnë një portier me të ardhme të shkëlqyer si Donnaruma dhe Milani e konsideron shumë të çmuar talentin e dalë nga akademia e saj. 19-vjeçari Donnaruma ka firmosur një kontratë me afat 5-vjeçar me ekipin ku ka nisur karrierën.
