Afrimi i sulmuesit Cristiano Ronaldo nga Real Madridi, përveç kërkesave financiare dhe ato sportive, kishte edhe një kusht të vogël për bardhezinjtë, por tepër të rëndësishëm për portugezin: fanellën me numrin 7, e cila mbahej nga Juan Cuadrado.
Kolumbiani ka njoftuar vendimin duke postuar në “Instagram” një foto me fanellën e bardhezinjve ku mbi të shkruhej Ronaldo dhe numri i tij: “Dhurimi është më i rëndësishëm se marrja”, ishte diçatura e mesfushorit sulmues të Kolumbisë, që bëri një kampionat mjaft të mirë.
“Dhurimi është më i rëndësishëm se marrja: mirëpresim Cristiano dhe fat të mirë për këtë aventurë të re”, shkruan Juan Cuadrado në “Instagram” duke mirëpritur në këtë mënyrë portugezin Cristiano Ronaldo dhe duke zyrtarizuar vendimin e qartë për t’i dhënë atij numrin 7 në Juventus, i cili u mbajt në sezonet e fundit pas largimit të italianit Zaza. Nga sezoni i ri kjo fanellë do të vishet nga portugezi.