Dështon marrëveshja mes Interit dhe Bordeaux për transferimin në Milano të brazilianit Malcom. 21-vjeçari, i cili kishte shprehur dëshirën për një kalim në Serinë A, do të vazhdojë të qëndrojë nën urdhrat e Gustavo Poyet, i cili e ka përfshirë në listën e 22 lojtarëve të grumbulluar për turnetë parapërgatitorë për sezonin e ardhshëm.
Bisedimet mes dy shoqërive nuk sollën epilogun e shpresuar nga zikaltrit, të cilët e kërkuan lojtarin në formë huazimi me të drejtë blerjeje, gjë që u hodh poshtë nga francezët, të cilët dëshiron shitjen e lojtarit.
