Milani prej disa ditësh përflitet se është vënë në ndjekje të futbollistit të Lyon Memphis Depay, me holandezin që konsiderohet si një përforcim i nevojshëm për kuqezinjtë.
Por së fundmi ish-lojtari i Machester United është bërë objekt kritikash në klubin francez pasi nuk u paraqit në stërvitjen e parë të skuadrës pas përfundimit të pushimeve 5-javore.
Lojtari mungoi në seancën e parë me futbollistët që nuk ndodhen me kombëtaret e tyre në Rusi, dhe për këtë shkak është gjobitur nga drejtuesit e Lyon. Mungesa e tij shton zërat se ai mund të jetë pranë largimit nga Franca, me italianët që mund të përfitojnë nga kjo situatë.
