Belgjika e ka pritur përfaqësuesen e futbollit me entuziazëm të madh. Ishte mbreti Philippe ai që priti Djajtë e Kuq në kështjellën Laeken përballë portës së madhe të Brukselit, përpara se ekipi të bënte një xhiro me autobus të hapur.
Lojtarët janë pritur nga 8,000 tifozë. Policia ka mbyllur sheshin kryesor një orë përpara se të mbërrinte ekipi dhe me kalimin e kohës tifozët filluan të shfaqeshin në shesh.
Skuadra e Belgjikës ka fituar 2-0 ndaj Anglisë duke kapur vendin e tretë në Kupën e Botës 2018. Një arritje e madhe për trajnerin Roberto Martinez i cili theu rekordin e vitit 1986. Ishin Meunier dhe Hazard ata që shënuan golat e fitores ndaj Anglisë.