Pasi zyrtarizoi transferimin e Gianluiggi Buffon, PSG është gati për proçeduar me të tjera afrime në radhët e skuadrës. Drejtuesit e klubit parizien kanë vendosur në qëndër të vëmëndjes mesfushorin e Chelseat N’golo Kante. Madje, siç raportojnë mediat ndërkombëtare sportive kampionët e Francës kanë edhe një ofertë konkrete për 27-vjeçarin.
Sheiku i PSG, Naser Al-Khelaifi është gati t’i ofrojë Bluve të Londrës 100 milionë euro për Kante. Mesfushori i cili momentalisht është i angazhuar me kombëtaren franceze në Botëror si një prej elementëve më të rëndësishëm të skuadrës nuk është përfshirë fare në këtë diskutim duke ja lënë në dorë të paktën për momentin menaxherit të tij. Për t’i dhënë vetes një ndihmesë akoma edhe më të madhe, PSG është gati të përfshijë në marrëveshje edhe Adrien Rabiot kontrata e të cilit skadon me parizienët sezonin e ardhshëm.
Tratativat mes palëve duken disi të vështira, pasi tekniku i ardhshëm i klubit londinez, Maurizzio Sarri ia ka bërë të qartë presidentit Roman Abramovic që lojtarët më të rëndësishëm të skaudrës nuk duhet të largohen dhe njëri prej tyre është pikërisht N’golo Kante.
