Vazhdojnë afrimet te skuadra e Kamzës. Ish-mesfushori i Kukësit, Klevis Sadiku, i cili në sezonin e kaluar ishte pjesë e Kukësit, është bashkuar me klubin kryeqytetas.
Sadiku ka bindur trajnerin Devolli në provën disa ditore dhe ka nënshkruar kontratë 2 vjeçare. Mesfushori në të kaluarën ka qenë pjesë e akademisë së Tiranës dhe Partizanit ndërsa më pas u transferua te verilindorët. 20-vjeçari shpreson të fitojë një vend titullari me skuadrën e Kamzës në Kategorinë Superiore.
